Þróunaráætlun

Þróunaráætlun K64 mun gera nærsvæði Keflavíkurflugvallar að öflugri miðstöð sjálfbærrar nýsköpunar á krossgötum Evrópu og Norður-Ameríku.

Þróunaráætlunin er hugsuð sem rammi utan um efnahagsleg, félagsleg og umhverfisleg úrlausnarefni. Hún mun styðja við markmið Íslands um kolefnishlutleysi og sjálfbærni og uppfylla viðeigandi heimsmarkmið Sameinuðu þjóðanna. Skipulagssýnin stuðlar að heilsu og vellíðan, viðeigandi þéttleika byggðar og vandaðri landmótun. Ásamt því að innleiða ýmsar nýjungar verður leitast við að skapa vistvænt og sjálfbært borgarsvæði framtíðarinnar. Þróunaráætlunin tvinnar byggðaskipulagi saman við áætlun um vöruflutninga, orku, viðskipti og iðnað, þjónustu og samfélagslegsmótun. Miðað er að því að auka fjölbreytni í atvinnulífinu og stefna að verðmætari geirum, samhliða fyrsta flokks búsetuskilyrðum og menningu. Markmiðið er að mikil samvirkni sé milli áherslusvæða, byggt á hugmyndum um hringrásarhagkerfi sem hafa í för með sér margvíslegan langtímaávinning. Þróunaráætlun K64 kemur til með að skapa framtíðarverðmæti sem komandi kynslóðir njóta góðs af.

Stórt og metnaðarfullt verkefni eins og þróunaráætlun K64 krefst samræmdrar nálgunar með náinni þátttöku allra hagsmunaaðila. Fyrstu skrefin í ferlinu skipta miklu máli til að skapa traust á verkefninu og móta þá leið sem er farin. Til að byrja með þarf að greina forgangsverkefni er snúa að innviðum og þróa aðlaðandi viðskiptatillögur.
Lykilatriðin í upphafi eru að skapa góðar aðstæður fyrir verkefni framtíðarinnar. Góðar áætlanir um aukna færni, að greina óskir fjárfesta og efla getu og fjárhag sveitarfélaganna leggur sterkan grunn að K64.
Eins ríður á að velja forgangsverkefni af kostgæfni og skipuleggja starfsemi Kadeco á réttan hátt til að þróunaráætlunin hljóti framgang, ásamt stöðugu samráði við hagsmunaaðila.

Til að koma í veg fyrir að þéttbýlismyndun verði of gisin og dreifð er lögð áhersla á uppbyggingu færri en stærri samhangandi svæða með ríkan en ólíkan innbyrðis tilgang hvað varðar landnotkun og verðmætasköpun. Vönduð landslagsmótun og grænar tengingar ásamt fjölbreyttum möguleikum á að komast á milli staða á vistvænan hátt gerir að verkum að úr verður sterk heild, heildstætt flugvallarsvæði.
Með Keflavíkurflugvöll í forgrunni og sem kjarna í þróun eru áherslusvæðin eftirfarandi: Helguvík-Bergvík, forgarður Keflavíkurflugvallar, auk Aðalgötu og Ásbrúar. Jafnframt tengjast önnur svæði svo sem Garður, Sandgerði og Hafnir við áherslusvæðin með landslagsmótun og grænum tengingum.

Þróunaráætlunin byggir á grundvallarreglum um alhliða velmegun allra þjóðfélagshópa og sjálfbæran vöxt. Vaxtartækifæri á Suðurnesjum eru umtalsverð og felast meðal annars í spám um aukinn farþegafjölda um Keflavíkurflugvöll. Kostir nærsvæðis Keflavíkurflugvallar eru augljósir, en margvíslegur hátækniiðnaður getur nýtt sér nálægð við flugvöll og höfn, hreina orku, lifandi og fjölbreytt samfélög og hæft vinnuafl. 
Alþjóðlegir fjárfestar sýna svæðinu nú þegar áhuga og leita að góðum staðsetningum fyrir ýmis konar starfsemi. Með samþættu skipulagi Isavia og skipulagsáætlana sveitarfélaganna hafa verið borin kennsl á verulega möguleika á að auka fjölbreytni atvinnu á svæðinu. Tækifærin felast ekki síst í því að þróa enn frekar sjávarútveg og ferðaþjónustu til skamms tíma, en störf á sviði hátækni í landbúnaði, líftækni og vistvænnar orku á borð við grænt vetni og sjálfbært flugeldsneyti til meðallangs og lengri tíma litið.
Þróunaráætlunin hefur greint svæði sem eru best til þess fallin að efla samvirkni, hvetja til samstarfs og vinna með hugmyndafræðina á bak við hringrásarhagkerfi. Áherslusvæðin í Helguvík-Bergvík með Helguvíkurhöfn, Aðalgötu, Ásbrú og forgarði Keflavíkurflugvallar (gáttinni til landsins) eru vel til þess fallin að grípa ný tækifæri með því að styðja við og bæta hvert annað upp.
Í Þróunaráætluninni er því verið að samþætta skýra efnahagslega möguleika við sérkenni og styrkleika ólíkra svæða og þróunargetu heildarsvæðisins. Að staðsetja rétta starfsemi - efnahagslega, umhverfislega, innviði og samfélag - á réttum stöðum og þannig að samsetningarnar eða þyrpingarnar séu sem heppilegastar. Þetta býr til grundvöll fyrir áætlun sem bregst á áhrifaríkan hátt við breytingum á eftirspurn, hámarkar samkeppnisforskot og nær því besta fram úr einstökum eiginleikum svæðisins.

Þróunaráætlun K64 er grunduð á samvinnu sveitarfélaga og annarra hagsmunaaðila. Það skapar nauðsynlega samræmingu, raunhæfar hugmyndir og aðgerðir til að þróa aðlaðandi og lífvænlegt þéttbýlisumhverfi. Úr verður heildstætt og úthugsað flugvallarsvæði.
Þróunaráætlun K64 stuðlar að vexti aðlaðandi íbúðarhverfa á svæðinu með viðeigandi þjónustustigi og opinberum innviðum samhliða þróun og uppbyggingu starfsemi fyrir flugvallartengda geira.
Þróunaráætlun K64 mun skapa eftirminnilega komuupplifun að þessari gátt að Íslandi sem fær gesti til landsins til að upplifa sig velkomna.

Grunnhugsun í skipulagi þéttbýlis er að bæta veðurfarstengdar aðstæður, þétta byggð og blanda landnotkun til að skapa sjálfbærara og fjölbreyttara byggðamynstur, auk staða sem gott er að vera á og ferðast um.

Grunnhugsunin er að taka á íslenskum veðurskilyrðum með því að: 
<ul><li>Hafa hálflukta húsagarða sem skýla fyrir vindi</li><li>Hafa jaðra byggingarreita óreglulega</li><li>Draga úr löngum götum</li><li>Hæð bygginga sé hófleg og áþekk yfir heil svæði</li><li>Byggingar og opin rými til dvalar vísi í sólaráttir</li><li>Draga úr óæskilegri snjósöfnun með sértækum aðgerðum</li><li>Hafa millisvæði milli rýma innanhús og utanhúss</li></ul>

Grunnhugsunin er að draga úr byggð með lágum þéttleika með:
<ul><li>Samþjöppun byggðar, frekar en dreifingu</li><li>Draga úr þörf fyrir langar ferðir</li><li>Skapa þægilegt, öruggt og skjólgott opið rými</li><li>Auka staðaranda einstakra hverfa</li><li>Auka hagkvæma nýtingu innviða</li></ul>

Tekið verður á einhæfri landnotkun með:
<ul><li>Samvirkni á milli ólíkrar landnýtingar</li><li>Samþjöppun fólks og athafna</li><li>Aukinni samþjöppun og samspili fjölbreyttrar þjónustu, samskipta og athafna</li><li>Sveigjanleika til að aðlagast breyttum þörfum</li></ul>

Núverandi byggðamynstur Suðurnesja einkennist af þorpum og hafnarbæjum meðfram ströndinni sem hafa byggst upp á löngum tíma, auk nýrri byggðar tengdri Keflavíkurflugvelli.
Með því að byggja á þessum grunni er lagt til að beina uppbyggingu á færri en stærri samhangandi svæði með ríkan en ólíkan innbyrðis tilgang. Að tengja svæðin saman með vandaðri landslagsmótun og grænum tengingum ásamt fjölbreyttum möguleikum til að komast á milli þeirra á vistvænan hátt. Þannig myndi þau samhangandi eyjaklasa og tengi saman svæði á jaðrinum og þau sem miðlægari eru.

Áherslusvæði K64 eru hugsuð þannig að þau hafi hvert og eitt ákveðin einkenni og styrkleika sem í sameiningu gera heildina einstaka og afar sterka í efnahagslegu og búsetulegu tilliti:
<ul><li>Helguvík-Bergvík, „hraðar orkuskiptunum“ og þróast sem vistvænn iðngarður</li><li>Forgarður Keflavíkurflugvallar, „gáttin til landsins“; markar upphaf ferðarinnar fyrir erlenda gesti og Íslendinga við komuna til landsins með einstakri upplifun í formi viðskipta- og gestaþjónustu, bættrar bílaleiguaðstöðu, miðstöðvar fyrir almenningssamgöngur og fleira</li><li>Aðalgata, „tengir byggðalögin“; verður blönduð byggð fyrir opinbera þjónustu, íbúðabyggð og ýmsa starfsemi svo sem rannsóknir og þróun</li><li>Ásbrú, „lifandi byggð“; fjölbreyttar þyrpingar með þéttri íbúðabyggð og svæðum fyrir ýmis konar framleiðslu. Þar verður meðal annars byggðakjarni með nærþjónustu og svæði fyrir framhaldsmenntun og flugtengda nýsköpunarstarfsemi</li><li>Garður, Sandgerði og Hafnir stækka sem blönduð svæði íbúða og atvinnustarfsemi á eigin forsendum</li></ul>

Til að styðja við fjölgun íbúa er stækkun íbúðabyggðar skipulögð samhliða uppbyggingu samfélagslegra innviða og almennrar þjónustu.

Atvinnustarfsemi, hvort sem um ræðir léttan iðnað, fyrirtæki í fjölbreyttum rekstri eða verslun og þjónustu, er raðað niður á áherslusvæði K64. Einkum starfsemi sem tengist beint rekstri Keflavíkurflugvallar en nýtur einnig góðs af tengslum við aðra flugvallatengda starfsemi.

Meðhöndlun persónuupplýsinga

K64 er heildstæð efnahags- og skipulagsleg þróunaráætlun fyrir svæðið í kringum Keflavíkurflugvöll, mikilvægustu gátt Íslands við umheiminn. Í þróunaráætlun K64 nefnist svæðið Keflavíkurflugvallarsvæðið eða Keflavik Airport area. K64 rammar inn markmiðadrifna þróun á þessu lykilsvæði sem var unnin í nánu samráði við nærliggjandi sveitarfélög og yfirvöld flugmála á Íslandi. Grunn tilgangur K64 er að nýta betur þá miklu möguleika sem felast í nándinni við alþjóðaflugvöll sem getur verið efnahagslegur drifkraftur og einng að samræma áætlanir margra aðila með ólík markmið til að ná að skapa sterka heild með sjálfbæra þróun að leiðarljósi.

Þróunaráætlun

Stefnumótandi þróunaráætlun

Margþættur skipulagsrammi

Fyrsta skrefið

Samhangandi eyjaklasi myndar heildstætt flugvallarsvæði

Samþætt efnahags- og skipulagsáætlun tryggir sjálfbæran vöxt

Heildaráætlun til ársins 2050

Grunnhugsun þéttbýlisskipulagsins

Rammi fyrir byggðaþróun

Einkennis svæði

Búsetu- og samfélagslegir innviðir

Efnahagsleg umsvif

Þró­un­ar­áætlun

Stefnumótandi þróunaráætlun

Margþættur skipulagsrammi

Fyrsta skrefið

Samhangandi eyjaklasi myndar heildstætt flugvallarsvæði

Samþætt efnahags- og skipulagsáætlun tryggir sjálfbæran vöxt

Heildaráætlun til ársins 2050

Grunnhugsun þéttbýlisskipulagsins

Rammi fyrir byggðaþróun

Einkennis svæði

Búsetu- og samfélagslegir innviðir

Efnahagsleg umsvif

Þróunaráætlun