Stefnum­ið

Stefna um byggðamynstur er að skilgreina valin áherslusvæði til uppbyggingar. Leitast verður við að auka virði og gæði þess sem fyrir er en einnig þróa ný einkennandi svæði. Áherslusvæðin mynda samhangandi eyjaklasa (e. archipelago) en þau verða tengd saman með vandaðri landslagsmótun og grænum tengingum ásamt fjölbreyttum möguleikum á að komast á milli þeirra á vistvænan hátt. Í miðjunni verður Keflavíkurflugvöllur, kjarninn í atvinnustarfsemi svæðisins, en í kring þróast áherslusvæðin með aðra eiginleika og saman mynda þau sterkt heildstætt flugvallarsvæði.

Landslagshönnun milli áherslusvæðanna er lykilþáttur í því að mynda samhengi og tengja svæðin saman, auk þess að hafa jákvæð umhverfisáhrif og hagrænan tilgang. Uppgræðsla og skógrækt ásamt heildstæðu stígakerfi býður upp á möguleika til tekjuöflunar og tækifæri fyrir ferðaþjónustuna á svæðinu, auk þess að bægja frá umhverfisvá, draga úr vindálagi á jörðu niðri og skapa vistlegt umhverfi fyrir íbúa og gesti svæðisins.

Samgöngustefnunni er ætlað að skapa snjallt og skilvirkt almenningssamgöngukerfi sem öll geta notað. Með samkeppnishæfari almenningssamgöngum er hægt að bæta lífsskilyrði fólks og draga hlutfallslega úr vexti bílaumferðar á svæðinu samhliða aukinni byggð. Stígakerfi fyrir virka ferðamáta sem bætir aðgengi og öryggi styður við þetta og vinnur með því. Stefnan hefur veruleg jákvæð félagsleg, hagræn og umhverfisleg áhrif fyrir samfélagið allt, ekki eingöngu íbúa því öflug samgöngukerfi munu einnig styrkja samkeppnishæfni fyrirtækja á svæðinu og ýta undir fjárfestingu.

Í viðskiptastefnu er miðað að því að auka fjölbreytni, styrkja grundvöll núverandi starfsemi á svæðinu og laða að nýja erlenda og innlenda fjárfestingu. Það felur í sér að svæðið verði eftirsótt fyrir margskonar háþróaðan og vistvænan iðnað, svo sem vöruflutninga, fjölbreytta framleiðslu, verslun, menningarstarfsemi og afþreyingu. Helsti grundvöllur stefnunnar er hin ákjósanlega landfræðilega lega svæðisins, það er nálægð við höfuðborgarsvæðið og Keflavíkurflugvöll.

Þekkingarstefna byggir á sterkri nýsköpunarmenningu sem er að finna á Íslandi og áherslu Íslendinga á menntun. Í stefnunni er horft til þess að svæðið verði leiðandi í nýsköpun á sviði sjálfbærrar þróunar og í hinum skapandi greinum.

Í stefnunni er byggt á kostum þess að búa að öflugu íslensku menntakerfi sem er á heimsmælikvarða og stórum hópi fólks með sérhæfða menntun. Þetta styður við samstarf og samvinnu milli framsækinna fyrirtækja, sveitarfélaganna á svæðinu og fremstu rannsókna- og þróunarstofnana á Íslandi.

Megininntak stefnunnar er að auka í skrefum vöruflutninga á sjó og lofti bæði hvað varðar magn og fjölbreytni. Niðurstaðan verði öflug miðstöð fyrir aðfangakeðjur til og frá Íslandi og yfir Atlantshafið.

Þeir innviðir sem þegar eru til staðar, Keflavíkurflugvöllur með tengiflug yfir Atlantshafið og Helguvíkurhöfn, bjóða upp á á stækkunarmöguleika jafnt innviða og vöruhúsa og mynda saman sterkan grunn fyrir frekari þróun vöruflutninga bæði í lofti og á sjó.

Orkuvegvísir styður við og greiðir fyrir þeirri þróun sem lögð er til í Þróunaráætlun K64. Honum er ætlað að sýna fram á möguleikana á að gera svæðið leiðandi í þróun vistvænna orkulausna. Bent er á hvernig megi auka orkuöryggi og kanna nýstárlegar leiðir til í notkun endurnýjanlegrar orku og nýta einstök tækifæri á aukinni samvirkni á Suðurnesjum.

Saman bjóða stefnumiðin upp á heildræna nálgun á það hvernig best er að takast á við áskoranir sem svæðið stendur frammi fyrir ásamt því að hlúa að og nýta tækifæri sem munu styrkja stöðu þess á alþjóðlegum vettvangi.

• Hagkerfið reiðir sig um of á flugvöllinn og vinnumarkaðurinn er einsleitur
• Sveiflukennt atvinnuframboð sem byggir á flugvallarstarfseminni
• Útflutningur er fábreyttur og eingöngu í fáum ráðandi greinum
• Húsnæðisuppbygging heldur ekki í við fólksfjölgun
• Mikið landrými með nokkrum ólíkum skipulagsyfirvöldum skapar hættu á dreifingu byggðar og ómarkvissri þéttbýlisþróun
• Einkabíllinn er ríkjandi samgöngumáti
• Skortur á heildarsýn um áreiðanlegt heildstætt almenningssamgöngukerfi innan svæðisins og til höfuðborgarsvæðisins
• Þörf fyrir dreifðari raforkuöflun og fjárfestingu í orkuinnviðum til að auka afhendingaröryggi

• Aukin fjölbreytni í störfum með áherslu á störf í meira virðisaukandi geirum
• Markvisst og vel útfært skipulag fyrir nýtt íbúðarhúsnæði og húsnæði fyrir opinbera þjónustu
• Styrkja tengsl milli endurmenntunar og iðngeira, núverandi sem nýrra
• Auka nýsköpun og tækifæri til framhaldsmenntunar innan fluggeirans
• Styrkja verðmætar atvinnugreinar sem njóta góðs af nálægð við flugvöllinn
• Efla vöruflutningastarfsemi sem nýtur góðs af samvirkninni milli flugvallarins og hafnarinnar
• Bæta almenningssamgöngur bæði innan svæðisins og á milli flugvallarins og höfuðborgarsvæðisins
• Leggja grunn að grænni gátt til Íslands fyrir komufarþega til landsins með góðri landslagshönnun og vandaðri áætlun um uppbyggingu við flugvöllinn
• Styrkja svæðið sem áfangastað ferðamanna og sem jarðvang Menningarstofnunar Sameinuðu þjóðanna (UNESCO Geopark)
• Byggja upp kerfi stíga og áfangastaða utandyra fyrir virka ferðamáta og samkomur utanhúss, nýta landlagshönnun og skógrækt til að auka gæði útisvæða