Framtíðarsýn

Bakgrunnur

Þróunaráætlun K64 dregur fram fram einstaka möguleika Suðurnesjanna á krossgötum Evrópu og Norður-Ameríku. Með því að laða þangað þekkingu og færni skapast ný tækifæri á sviði viðskipta, samgangna, tækni og sjálfbærrar þróunar.
Á sterkum grunni kraftmikils samfélags, víðsýni, seiglu og virðingar fyrir náttúrunni getur svæðið orðið alþjóðlega leiðandi í nýsköpun og þróun, þar sem tekist verður á við áskoranir framtíðarinnar á skapandi hátt.

Keflavíkurflugvöllur er megingáttin að Íslandi. Hann er stærsti flugvöllur landsins og fóru um 7,8 milljónir farþega þar um árið 2023, sem er töluverður bati eftir heimsfaraldurinn.
Keflavíkurflugvöllur er á krossgötum Evrópu og Norður-Ameríku og flugleiðir leggja áherslu á að tengja Norður-Ameríku og Evrópu. Flugvöllurinn gegnir algeru lykilhlutverki við að tengja Ísland við umheiminn.
Flugvallarsvæðið og nærsvæði þess geta byggt á þessum eiginleikum til að verða suðupottur samskipta og tengsla, þekkingar, viðskipta og framleiðslu.

Keflavíkurflugvöllur er í 50 km fjarlægð frá Reykjavík. Fram að þessu hefur hann aðallega gegnt innviðahlutverki en í þróunaráætluninni er farið yfir þá gífurlegu möguleika sem felast í að nýta flugvöllinn í auknum mæli sem driffjöður fyrir efnahagslíf nærsvæðisins og jafnvel landsins alls.
Með markvissum ákvörðunum og aðgerðum má efla hlutverk flugvallarsvæðisins sem efnahagslegs drifkrafts fyrir Suðurnesin og landið í heild, í samlegð við höfuðborgarsvæðið.

Nærsvæði Keflavíkurflugvallar er í grófum dráttum svæðið umhverfis flugvöllinn og nær til svæðis sem tilheyrir sveitarfélögunum Suðurnesjabæ (3.753 íbúar árið 2022) og Reykjanesbæ (20.416 íbúar árið 2022). Á Suðurnesjum eru einnig sveitarfélögin Grindavíkurbær og Vogar og eru innan sama vinnumarkaðssvæðis.
Undanfarin ár hefur íbúum á Suðurnesjum fjölgað mikið, einkum vegna aukinna umsvifa Keflavíkurflugvallar. Fólksfjölgunin hefur ekki síst verið borin uppi af miklum aðflutningi Íslendinga og fólks erlendis frá. Þessi vöxtur hefur leitt til aukinnar þarfar fyrir uppbyggingu húsnæðis og innviða.
Þróunaráætlun K64 býður upp á vettvang til að auka samstarf þessara aðila og styðja þannig við heildstæða nálgun í skipulags- og atvinnumálum.

Á Reykjanesskaganum er einstakt umhverfi og miklar víðáttur, sprungur, hraun, uppsprettur endurnýjanlegra orkugjafa og röð sjávarþorpa, umkringd ólgandi Atlantshafinu. 
Vegna jarðhitans og mikillar jarðvirkni almennt er Reykjanesskaginn hluti af jarðvöngum Menningarmálastofnunar Sameinuðu þjóðanna, eða UNESCO Global Geopark, frá 2015. Er hann einn af 177 jarðvöngum í 46 löndum um heim allan. Í því felast ótal tækifæri og vaxtarsprotar fyrir ferðaiðnaðinn á Suðurnesjum.
Mörg tækifæri eru á Suðurnesjum, bæði til að efla nýsköpun og rannsóknir og þau tækifæri sem felast í því að vera afskekktur áfangastaður á alþjóðlegri flugleið.

Við viljum gera K64 að efnahagslegu hreyfiafli fyrir Suðurnesin, skapa tækifæri á öllum sviðum (nýsköpun, ferðaþjónustu, hafnir o.s.frv.) og fyrir alla (innlenda og erlenda starfsmenn, frumkvöðla, ferðamenn og fleiri).

Stórbrotið landslag Íslands ber vott um þá áherslu sem Íslendingar leggja á að lifa í sátt og samlyndi við náttúruna. Við viljum að sá andi skili sér inn í alla þætti verkefnisins og einkenni það.

Þróunaráætlun K64 er sprottin af óskum ólíkra hagsmunaaðila til að leiða saman fólk og önnur öfl til að skapa sameiginlega framtíðarsýn. Það gerir framþróun svæðisins að samstarfsverkefni sem allir eiga hlutdeild í og geta tekið þátt í.

Seigla er líklega það orð sem lýsir hugarþeli íbúa Suðurnesjanna hvað best eftir hæðir og lægðir síðustu ára. Jákvætt viðhorf er ríkjandi og gerir allt mögulegt.

Svæðið verður rannsóknarstofa í raunstærð fyrir hagnýta, skynsamlega og aðgengilega sjálfbærni. Við viljum skapa fordæmi fyrir aðra að læra af, á jafn fjölbreyttum sviðum og í flugflutningum, sjávarútvegi og orkuframleiðslu.

Við teljum að árangur K64 muni ráðast af skilvirku samgöngukerfi að tvennu leyti: með öflugri tengslum milli svæðisins og Reykjavíkur og með snjöllu staðbundnu samgöngukerfi fyrir vistvæna og virka ferðamáta öðru fremur.

Ísland og nánar tiltekið nærsvæði Keflavíkurflugvallar býr yfir einstakri landfræðilegri staðsetningu mitt á milli Evrópu og Norður-Ameríku. Við viljum nýta það til að styrkja ímynd svæðisins og upplifun af því sem eftirsótts og einstaks staðar á krossgötum heimsálfa, menningar og lífshátta.

K64 Vision

Viltu vita meira?

Hér getur þú sótt eintak af K64 Framtíðarsýn

Meðhöndlun persónuupplýsinga

K64 er heildstæð efnahags- og skipulagsleg þróunaráætlun fyrir svæðið í kringum Keflavíkurflugvöll, mikilvægustu gátt Íslands við umheiminn. Í þróunaráætlun K64 nefnist svæðið Keflavíkurflugvallarsvæðið eða Keflavik Airport area. K64 rammar inn markmiðadrifna þróun á þessu lykilsvæði sem var unnin í nánu samráði við nærliggjandi sveitarfélög og yfirvöld flugmála á Íslandi. Grunn tilgangur K64 er að nýta betur þá miklu möguleika sem felast í nándinni við alþjóðaflugvöll sem getur verið efnahagslegur drifkraftur og einng að samræma áætlanir margra aðila með ólík markmið til að ná að skapa sterka heild með sjálfbæra þróun að leiðarljósi.

Framtíðarsýn