Inngangur

Byggðamynstur

Landslagshönnun

Viðskipti og iðnaður

Þekking

Samgöngur

Vöruflutningar

Orka

Stefnumið

Í stefnu um byggðamynstur eru skilgreind áherslusvæði til uppbyggingar. Leitast verður við að auka virði og gæði þess sem fyrir er en einnig þróa ný svæði með ríkan en ólíkan innbyrðis tilgang. Áherslusvæðin mynda samhangandi eyjaklasa (e. archipelago), tengd saman með vandaðri landslagsmótun og grænum tengingum ásamt fjölbreyttum möguleikum á að komast á milli þeirra á vistvænan hátt. Í miðjunni verður Keflavíkurflugvöllur, kjarninn í atvinnustarfsemi svæðisins, en í kring þróast áherslusvæðin með mismunandi eiginleika og saman mynda þau sterkt heildstætt flugvallarsvæði.

Á nærsvæði Keflavíkurflugvallar er mikið landrými sem búið er að ráðstafa undir byggð í deiliskipulagi. Þetta land og viðkomandi deiliskipulagsáætlanir heyra undir nokkur ólík skipulagsyfirvöld, sem getur skapað hættu á dreifingu byggðar og ómarkvissri þéttbýlisþróun ef ekki er hugað að innbyrðis samhengi og heildarsýn.
<ul><li>Núverandi nýtingarhlutfall: 14%</li><li>Núverandi byggð: 880 ha</li><li>Svæði ætlað til uppbyggingar í deiliskipulagi: 1.700 ha.</li><li>Íbúafjöldi: 24.169 (2022)</li></ul>

Sex meginmarkmið stefnu um byggðamynstur:

Með stefnu um byggðamynstur er tekið á dreifðri og samhengislausri þéttbýlismyndun, með því að leggja áherslu á þróun valinna svæða þar sem uppbygging er talin hafa sem mest jákvæð áhrif á ímynd og heildarvirði.
Áherslusvæðin þróast umhverfis Keflavíkurflugvöll og í samhengi við núverandi byggð. Með ólíka eiginleika styðja öll þessi svæði við hvert annað frekar en að eiga í samkeppni og ná öflugri samverkun. Saman mynda þau sterkt og heildstætt flugvallarsvæði.

Með góðu skipulagi er hægt að taka heildstætt á mikilvægum atriðum eins og að milda áhrif veðurfars, þétta byggð og auka samþjöppun ýmis konar þjónustu til að stuðla að sjálfbærri, fjölbreyttri og hentugri byggð.
Aukin samþjöppun byggðar, í þyrpingum með hóflegum þéttleika, gefur möguleika á að vernda opin svæði. Blönduð og þétt byggð þar sem finna má atvinnustarfsemi, verslun og þjónustu innan um íbúabyggð stuðlar að aukinni félagslegri virkni í íbúahverfum.

Mismunandi lausnir: Fjölbreyttar ráðstafanir og lausnir, stórar sem smáar, styðja við sjálfbæra uppbyggingu, svo sem vel úthugsuð samþjöppun byggðar og þjónustu og efling virkra ferðamáta.
<ul><li>Samþjöppun uppbyggingar vinnur gegn ómarkvissri dreifingu byggðar</li><li>15 mínútna bæir</li><li>Samfella og samlegð milli verkefna</li></ul>

Með því að byggja á núverandi skipulagi og eiginleikum áherslusvæðanna getur breytingin verið jöfn og þétt ásamt því að styrkja ímynd og einkenni byggðarinnar til framtíðar.
Vel útfærð þétting núverandi byggðar dregur einnig úr óþarfa röskun á óhreyfðu landi, sem er mikilvægur þáttur í sjálfbærri byggðaþróun.

Efling núverandi atvinnugreina tengdum flugi, farþegaþjónustu og vöruflutningum styður við hagkerfi flugvallartengdrar starfsemi sem byggir á þjónustu, sérhæfðri þekkingu og skilvirkni. 
Vel þróað flugleiðakerfi er nú þegar til staðar við Keflavíkurflugvöll og á þeim grunni er hægt að byggja upp flugvallarsvæðið og nýta þá styrkleika sem þar er að finna, svo sem viðhald flugvéla, fraktflutninga, innviði ferðaþjónustu og klasastarfsemi á borð við auðlindagarðinn.
Með því að byggja á þeirri starfsemi og möguleikum sem þegar eru fyrir hendi er hægt að styrkja samfélags- og efnahagslega stöðu nærliggjandi byggðarlaga.

Keflavíkurflugvöllur er gátt til Íslands, fyrsti viðkomustaður flestra sem koma til landsins og ætti að bjóða upp á eftirminnilega komuupplifun.
Með vandaðri hönnun á umhverfi og rýmum flugstöðvarinnar er hægt að gera íslenskri náttúru og þjóðareinkennum hátt undir höfði og skapa aðlaðandi upplifun fyrir flugfarþega, starfsfólk og íbúa í nágrenninu.

Í þróunaráætluninni felast frábær tækifæri til að byggja upp hágæða samfélagsinnviði fyrir íbúa og starfsfólk á nærsvæði Keflavíkurflugvallar.
Góðir skólar, framhaldsskólar, húsnæði, heilsugæsla og frístundaheimili eru hluti af því sem getur fengið fjölskyldur, námsfólk og fólk á vinnumarkaði til að vilja búa á Suðurnesjum. Góðir innviðir hafa einnig í för með sér ávinning fyrir umhverfið þar sem fólk mun síður þurfa að ferðast til og frá höfuðborgarsvæðinu. Ásamt ofantöldu munu færni- og starfsþjálfunarsetur einnig auðvelda íbúum svæðisins að færa sig yfir í nýjar og hugsanlega verðmætari atvinnugreinar. Betri almenningssamgöngur myndu bæta aðgengi að þessum innviðum og auka félagsleg tengsl og samvirkni milli einstaklinga á öllum aldri í fjölbreyttu samfélagi.

Núverandi vaxtarspá: 
Þörf fyrir 3.900 – 4.000 nýjar íbúðir fyrir árið 2050
Áætluð vaxtarspá (með tilliti til þróunaráætlunar):
Þörf fyrir 7.900 – 8.000 nýjar íbúðir fyrir árið 2050

Þróunaráætlunin mun skapa ný vaxtartækifæri á svæðinu sem þurfa að endurspeglast í fullnægjandi framboði af nýju húsnæði fyrir vaxandi fjölda íbúa á staðnum og alþjóðlegt starfsfólk.
Í núverandi skipulagsáætlunum er gert ráð fyrir um 3.100 nýjum íbúðum til næstu 10 ára og bæði Suðurnesjabær og Reykjanesbær gera ráð fyrir 3.900 – 4.000 íbúðum til viðbótar fyrir árið 2040. Reiknað er með að eftirspurn eftir íbúðarhúsnæði fari fram úr framboði frá og með 2026, miðað við núverandi áætlanir. Ef tillögur þróunaráætlunarinnar ná fram að ganga gæti eftirspurn eftir húsnæði aukist um 7.900 – 8.000 íbúðir til viðbótar fyrir árið 2050. Mælt er með blöndu mismunandi íbúðarhúsnæðis til að koma til móts við þarfir ólíkra hópa; fjölskyldur og einstaklinga á mismunandi aldri, innlent og erlent starfsfólk sem hyggst setjast að á svæðinu eða dvelja þar tímabundið.

K64 Urban design strategy

Viltu vita meira?

Hér getur þú hlaðið niður stefnu um byggðamynstur

Meðhöndlun persónuupplýsinga

K64 er heildstæð efnahags- og skipulagsleg þróunaráætlun fyrir svæðið í kringum Keflavíkurflugvöll, mikilvægustu gátt Íslands við umheiminn. Í þróunaráætlun K64 nefnist svæðið Keflavíkurflugvallarsvæðið eða Keflavik Airport area. K64 rammar inn markmiðadrifna þróun á þessu lykilsvæði sem var unnin í nánu samráði við nærliggjandi sveitarfélög og yfirvöld flugmála á Íslandi. Grunn tilgangur K64 er að nýta betur þá miklu möguleika sem felast í nándinni við alþjóðaflugvöll sem getur verið efnahagslegur drifkraftur og einng að samræma áætlanir margra aðila með ólík markmið til að ná að skapa sterka heild með sjálfbæra þróun að leiðarljósi.

Stefnumið

Öflugur eyjaklasi

Samhengi

Heildstætt flugvallarsvæði mótað út frá áherslusvæðum

Stuðla að auknum gæðum uppbyggingar þar sem tekið er mið af staðbundnu samhengi

Skipulag sem tekur mið af flugvallartengdum geirum og þjónustu

Ánægjuleg komu- og brottfararupplifun flugfarþega

Hágæða samfélagsinnviðir

Fjölgun íbúða og aukin fjölbreytni í takt við eftirspurn á markaði

Stefnum­ið

Öflugur eyjaklasi

Samhengi

Heildstætt flugvallarsvæði mótað út frá áherslusvæðum

Stuðla að auknum gæðum uppbyggingar þar sem tekið er mið af staðbundnu samhengi

Skipulag sem tekur mið af flugvallartengdum geirum og þjónustu

Ánægjuleg komu- og brottfararupplifun flugfarþega

Hágæða samfélagsinnviðir

Fjölgun íbúða og aukin fjölbreytni í takt við eftirspurn á markaði

Stefnumið