Inngangur

Helguvík / Bergvík

Ásbrú

Aðalgata

Forgarður flugstöðvar

Áherslusvæði

Svæðið við Aðalgötu nýtur góðs af afar heppilegri staðsetningu við Reykjanesbraut og steinsnar frá fyrirhuguðu Demantssvæði fyrir fraktflutninga við Keflavíkurflugvöll. Þar er að rísa ný miðstöð verslunar og þjónustu í Reykjanesbæ, Aðaltorg. Svæðið býr því yfir hvað mestum möguleikum til uppbyggingar fjölbreyttrar starfsemi og byggðar samkvæmt þróunaráætluninni.

Með Demantssvæðið við túnfótinn getur Aðalgata orðið lykill að mikilvægum svæðisbundnum þéttbýliskjarna og sem meginaðkoma að Reykjanesbæ frá Keflavíkurflugvelli um Reykjanesbraut.

Aðalgata krefst endurhönnunar sem virkur þéttbýlisás, borgargata, en í tillögunni er svæðið skipulagt sem ný „aðkoma að bænum“. Nýtt yfirbragð byggðarinnar mun stuðla að ímynd svæðisins sem þétts, blandaðs borgarumhverfis sem samanstendur af nokkrum þyrpingum með ólíkum sérkennum, vönduðum almenningsrýmum, samnýttum bílastæðum og opinberri þjónustu.

Aðalgata verður virkjuð sem borgargata með því að staðsetja við hana fjölbreytta starfsemi og framhliðar bygginga færðar nær götu til að skapa virkt borgarumhverfi.
Svæðinu er skipt í fimm þyrpingar með ólíkum áherslum í landnotkun. Innan þeirra eru almenningsrými, umkringd nýjum byggingum, í skjóli fyrir vindi, með virkri starfsemi á jarðhæðum.

Á Demantssvæðinu verður flugvallartengd starfsemi, einkum vöruflutningar og stoðþjónusta við flugvöllinn, en beint á móti því verður Aðalgata með þyrpingar byggðar sem hver hefur sín sérkenni. Meðfram Aðalgötu verður framhlið byggðarinnar og hún virkjuð til framtíðar með ýmsum ráðstöfunum. 
Aðalgötusvæðið hentar vel fyrir öfluga uppbyggingu heilsu-, verslunar-, íbúðar- og rannsóknaþyrpinga auk starfsemi tengdri afþreyingu og tómstundum. Það nýtur góðs af nálægðinni við flugvöll, verðmætaskapandi iðnað, Ásbrú og miðbæ Reykjanesbæjar.
Áætlun um uppbyggingu starfsemi, fyrir 2035:

Sveigjanleg, nýstárleg, fjölnota viðburðahöll á heimsmælikvarða fyrir sýningar sem tengjast íslenskri menningu, list og tónlist auk þess að geta hýst ráðstefnur og vörusýningar. Líflegt rými fyrir gesti og heimamenn til að upplifa íslenska og alþjóðlega hæfileika.

Svæðisbundin lögreglustöð fyrir samfélagsþjónustu og öryggisstarfsemi á nærsvæði Keflavíkurflugvallar.

Fjölhæft rými fyrir nýsköpun, frumgerðar- og prófunaraðstöðu ásamt skrifstofuaðstöðu. Þessi fyrirtæki myndu falla vel að fjölnota viðburðahöll fyrir ráðstefnur og málstofur.

Rými fyrir smásölu-, veitinga- og afþreyingarstarfsemi opin 365 daga á ári fyrir heimamenn og ferðafólk. Þar yrði að finna blöndu af innlendum og alþjóðlegum vörumerkjum.

Nútímaleg skrifstofu- og verslunarrými fyrir íslensk og alþjóðleg fyrirtæki. Sameiginleg skrifstofurými fyrir sprotafyrirtæki og viðskiptafólk á ferð og flugi.

Úrval nýrra íbúða, einkum fyrir starfsfólk sem vinnur á Aðalgötusvæðinu. Sveigjanlegt húsnæðisframboð kemur til móts við árstíðabundið starfsfólk og nemendur.

Aðalgata verður að líflegri og vistlegri borgargötu sem endar við sjávarsíðuna. Breiðgata með trjám laðar að innlenda sem erlenda gesti sem munu njóta menningarstarfsemi og þjónustu svæðisins.
Trjágróður mun draga úr vindi og auka umferð fótgangandi vegfarenda sem aftur eykur verslun og verðmæti fasteigna. Vistvænt svæði sem bætir samfélagið og svæðisbundna innviði myndi styrkja ímynd svæðisins og laða að nýtt fólk og fyrirtæki.

Leiðbeiningar fyrir landslaghönnun Aðalgötusvæðisins

Nýir hjóla- og göngustígar munu tengja Aðalgötusvæðið við aðra stíga á svæðinu og bjóða upp á fjölmörg ný tækifæri fyrir virka ferðamáta. Aðstæður fyrir fólk að komast gangandi eða hjólandi milli heimils og vinnu eða á flugvöllinn munu stórbatna. Nýjar tengingar munu styrkja núverandi samfélagsnet, auka viðskipti á svæðinu og aðsókn að verslun og veitingastöðum.

Góðar aðstæður til að fara um svæðið án bíls munu breyta því hvernig fólk umgengst umhverfið og hvert annað. Skjól gegn miklum vindi lengir tímann sem hægt er að eyða utandyra og gerir fólki kleift að njóta götulífs, heimsækja verslanir og kaffihús. Tré og önnur landslagsmótun munu veita Aðalgötu skjól og gera hana að skemmtilegri og líflegri borgargötu.

Með tilkomu Demantssvæðisins fyrir flugvallartengd viðskipti verður staðsetning Aðalgötusvæðisins ákjósanleg fyrir menningartengda viðburði, veitingar og verslun. Aðalgata sem breiðstræti, prýdd trjám og gróðri, með verslunum og veitingastöðum, getur orðið aðlaðandi áfangastaður og hryggjarstykki. Gata sem almenningssvæði fyrir gangandi vegfarendur, með hjólastígum og skjólgóðum görðum rammar inn borgarmenningu sem gerir heilbrigðri og sjálfbærri framtíð hátt undir höfði.

Leiðbeiningar fyrir veðurfarslega aðlögun á Aðalgötu

<ul><li>Óreglulegt gatnanet til að draga úr vindi og auka þægindi utandyra</li><li>Hóflegar húshæðir og opnir inngarðar fyrir góð birtuskilyrði</li><li>Ofantaldar aðgerðir draga einnig úr vindstrengjum og auka skjól innan byggðarinnar</li></ul>

<ul><li>Heppilegt göturými til að gera ráð fyrir snjósöfnun á veturna og fyrir gott afrennsli þegar snjóa leysir</li><li>Gróður meðfram vegum og milli bygginga til að draga úr vindáhrifum og auka tækifæri til útivistar</li></ul>

<ul><li>Miðjuþyrpingin og Demantssvæðið verða hönnuð með gott rými í huga fyrir frárennsli vegna ofankomu og snjóleysinga</li><li>Byggingar munu þola vel mikla ofankomu og snjó á þökum vegna þess hve gott rými er í kringum þær og vegna gróðurs</li></ul>

Tillögur til ársins 2035 (fyrsti áfangi):
<ul><li>Reykjanesbraut (R41) er tvöfölduð með tvær akreinar í hvora átt </li><li>Núverandi einnar akreinar hringtorg við Aðalgötu og Þjóðbraut uppfærð í tveggja akreina hringtorg</li><li>Gatnakerfið í og við Demantssvæðið byggist upp eftir þörfum</li></ul>

Tillögur um aðgerðir til ársins 2050 og fram yfir miða við að öll fyrirhuguð uppbygging, þar með talin framtíðarstækkun Keflavíkurflugvallar (vesturvængur) hafi átt sér stað:
<ul><li>Reykjanesbraut (R41) er tveggja akreina vegur og umferð í frjálsu flæði</li><li>Mislæg gatnamót við Aðalgötu og Þjóðbraut sem tengja Reykjanesbraut við nærliggjandi gatnakerfi</li><li>Götur tengja Aðalgötu við Keflavíkurflugvöll um Demantssvæðið, með vegum til Helguvíkur-Bergvíkur og að Þjóðbraut</li></ul>

Tillögur til ársins 2050 og fram yfir miða við að öll fyrirhuguð uppbygging hafi átt sér stað:
<ul><li>Staðbundnar strætisvagnaleiðir ná alveg að Demantssvæðinu til að veita staðbundna þjónustu og tengjast skiptistöð KRL í námunda við Aðalgötu</li><li>Strætisvagnaleið upp að alþjóðaflugstöðinni samnýtir sérspor KRL</li><li>Bílastæði fyrir íbúa á svæðinu (park and ride) sem vilja nýta KRL til að ferðast til vinnu á höfuðborgarsvæðinu</li><li>Þetta fasta leiðarskipulag er valkostur við eftirspurnardrifnar almenningssamgöngur (DRT)</li></ul>

Tillögur til ársins 2050 og fram yfir miða við að öll fyrirhuguð uppbygging hafi átt sér stað:
<ul><li>Sérstakir stígar fyrir virka ferðamáta eru meðfram öllum umferðargötum</li><li>„Hjólahraðbraut“ liggur þétt meðfram sérspori KRL alla leið milli Keflavíkurflugvallar og að höfuðborgarsvæðinu</li><li>Örugg tenging fyrir gangandi og hjólandi yfir og undir Reykjanesbraut t.d. um gatnamót þar sem umferðarhraði er lágur og virkir ferðamátar í forgangi</li><li>Undirgöng eða göngubrýr gera fólki kleift að fara yfir eða undir sérspor KRL</li></ul>

Leiðbeiningar um virka ferðamáta fyrir Aðaltorg

<ul><li>Aðalgötusvæðið verður svæði með rólegri umferð þar sem virkir ferðamátar verða í forgangi, en umferð vélknúinna ökutækja heimil</li><li>Aðalaðkoma að Demantssvæðinu verða mislæg gatnamót við Þjóðbraut, með áherslu á þægindi fyrir umferð vöruflutningabíla og þungaumferð</li><li>Umferð á Reykjanesbraut frá Keflavíkurflugvelli að höfuðborgarsvæðinu verður óslitin og óhindruð og gatnamót mislæg</li></ul>

<ul><li>KRL og aðrar leiðir almenningssamgangna, bæði innan Reykjanesbæjar og svæðisins í heild munu hafa viðkomu við skiptistöðina á Aðalgötusvæðinu</li><li>Bílastæði (park and ride) við skiptistöð almenningssamgangna mun gera fólki kleift að leggja við stöðina en taka KRL til Reykjavíkur</li><li>Bæði Aðalgötu- og Demantssvæðið verða hluti af svæði eftirspurnardrifinna almenningssamgangna (DRT)</li></ul>

<ul><li>Hjólabrautin meðfram KRL-sérsporinu mun tengjast flugstöðinni eftir einum leggnum (vestur) og halda áfram að höfuðborgarsvæðinu eftir hinum (austur)</li><li>Nokkrar leiðir yfir eða undir Reykjanesbraut munu veita gangandi og hjólandi vegfarendum öryggi. Leiðirnar þurfa að tengjast göngu- og hjólastígakerfi Reykjanesbæjar</li></ul>

Skipulag reita miðar að því að svæðið byggist upp í kringum núverandi Marriot-hótelið til vesturs, að opnu landi til norðurs við svæðið og þjóni þörfum samgangna nútímans og til framtíðar.
<ul><li>Heildstæðar þyrpingar</li><li>Fjölbreyttar stærðir reita</li></ul>

Aðalgötusvæðið er skilgreint sem miðsvæði með blandaðri landnotkun: blönduð í miðju, en aðallega íbúðarhúsnæði og samfélagsstarfsemi utan við miðjuna.<ul><li>Fjólublátt: Íbúðarhúsnæði </li></ul><ul><li>Appelsínugult: Opinber þjónusta</li></ul><ul><li>Gult: Miðsvæði </li></ul><ul><li> Ljósbrúnt: Smáiðnaður og verslun</li></ul>
<ul><li> Grátt: Léttur iðnaður og vöruhúsnæði</li></ul>

Heildstæðar þyrpingar leggja grunn að líflegu bæjarumhverfi með hóflegum þéttleika sem tryggir aðlögun þess að nærliggjandi byggð.
<ul><li> Svæðið: 16 ha</li><li>Lóðir: 8,3 ha</li><li>Heildarflötur: 108.110 m2</li><li>Nýtingarhlutfall: 1,3</li></ul>

Meðhöndlun persónuupplýsinga

K64 er heildstæð efnahags- og skipulagsleg þróunaráætlun fyrir svæðið í kringum Keflavíkurflugvöll, mikilvægustu gátt Íslands við umheiminn. Í þróunaráætlun K64 nefnist svæðið Keflavíkurflugvallarsvæðið eða Keflavik Airport area. K64 rammar inn markmiðadrifna þróun á þessu lykilsvæði sem var unnin í nánu samráði við nærliggjandi sveitarfélög og yfirvöld flugmála á Íslandi. Grunn tilgangur K64 er að nýta betur þá miklu möguleika sem felast í nándinni við alþjóðaflugvöll sem getur verið efnahagslegur drifkraftur og einng að samræma áætlanir margra aðila með ólík markmið til að ná að skapa sterka heild með sjálfbæra þróun að leiðarljósi.

Áherslusvæði

Þjónusta og vöruflutningar

Hugmyndafræði

Skipulagsrammi og aðgerðir

Einstök hverfi og lykilstarfsemi

Landslagshönnun

Samgöngur

Leiðbeiningar fyrir skipulag byggðar

Áherslu­svæði

Þjónusta og vöruflutningar

Hugmyndafræði

Skipulagsrammi og aðgerðir

Einstök hverfi og lykilstarfsemi

Landslagshönnun

Samgöngur

Leiðbeiningar fyrir skipulag byggðar

Áherslusvæði