Inngangur

Helguvík / Bergvík

Ásbrú

Aðalgata

Forgarður flugstöðvar

Áherslusvæði

Helguvíkur-Bergvíkursvæðið er vel staðsett svæði fyrir iðnað og atvinnustarfsemi af ýmsum toga nærri Helguvíkurhöfn, á milli Reykjanesbæjar og Suðurnesjabæjar og nærri Keflavíkurflugvelli.
Svæðið er vel tengt þjóðvegakerfinu og er steinsnar frá Reykjanesbraut. Á svæðinu er nú þegar nokkur iðnaðarstarfsemi og er þar helsta miðstöð innflutnings á flugeldsneyti til Keflavíkurflugvallar. Svæðið er flatt og skipulag þess rúðustrikað og einfalt og því mjög sveigjanlegt og hægt að aðlaga að ýmiskonar starfsemi og ólíkri rýmisþörf.

Helguvíkur-Bergvíkursvæðið, rétt norðan við byggðina í Reykjanesbæ er innan sveitarfélagsmarka Suðurnesjabæjar og Reykjanesbæjar. Svæðið er bakgarður Helguvíkurhafnar, einnar dýpstu hafnar landsins og hýsir í dag eldsneytistanka fyrir flugvélaeldsneyti auk margvíslegrar iðnaðarstarfsemi, en uppbygging og þróun svæðisins er skammt á veg komin.
Þróunaráætlunin byggir á frábærri staðsetningu svæðisins milli hafnarinnar og Keflavíkurflugvallar, til að ramma inn breytingu þess í vist-iðngarð sem getur verið leiðandi í orkuskiptum í samgöngum fyrir nærsvæði Keflavíkurflugvallar, Keflavíkurflugvöll og landið allt.
Vegna nálægðar við núverandi og framtíðar íbúabyggð mun skipulag og þróun Helguvíkur-Bergvíkursvæðisins krefjast mats á umhverfisáhrifum.

Skipulagsramminn byggir á núverandi gatnaneti og lóðaskipulagi, en það býður upp á sveigjanleika og aðlögunarhæfni. Á þeim grunni eru skilgreind þrjú minni svæði sem geta hýst bæði léttan og þyngri iðnað, hugsanlega tengt orkuskiptum í samgöngum.
Horft er sérstaklega til vetnisframleiðslu og framleiðslu á öðru sjálfbæru eldsneyti, til að mynda sjálfbæru flugvélaeldsneyti (sustainable aviation fuel, SAF). Svæði fyrir léttari iðnað gæti falið í sér miðstöð fyrir samsetningu byggingarhluta og framleiðslu á vistvænum koltrefjum, fiskeldi og aðstöðu bílaleiga. Einnig væri hægt að auka umsvif hafnarinnar.
Til að draga úr sjónrænum umhverfisáhrifum er gert ráð fyrir að lóðir og mannvirki næst Garðskagavegi verði inndregnar og eftir standi grænn geiri. Eins verði grænir ásar hornrétt á græna geirann meðfram Garðskagavegi sem afmarka ólíka þróunarreiti innan svæðisins. Á þessum grænu geirum og ásum verður græn þróun fyrir viðeigandi landslagsmótun, gróður og samgönguleiðir fyrir virka ferðamáta.

Hlutverk landslagsmótunar umhverfis og innan iðnaðarsvæðsins er að bæta úr aðstöðu fyrir virka ferðamáta meðfram helstu leiðum, auk þess að skapa aðlaðandi grænt belti um jaðar svæðisins og á ákveðnum reitum innan þess. 
Aðgangur almennings að svæðinu verður takmarkaður en hugað verður að vellíðan og þægindum þeirra sem þar starfa með því að gróðursetja tré meðfram götum og bæta við grænum svæðum sem gegna fjölþættu hlutverki við að milda ýmis umhverfisáhrif. Skógrækt á svæðum milli Helguvíkur og annarrar nærliggjandi byggðar er einnig möguleg. Landslag getur einnig átt beinan þátt í vistvænum hringrásariðnaði með meðhöndlun ofanvatns á litlum eða stórum skala.

Leiðbeiningar fyrir landslagshönnun

Stígakerfi fyrir virka ferðamáta gefur færi á bættri en stýrðri aðkomu gangandi og hjólandi um iðnaðarsvæðið að strandlengjunni.
Græn belti geta tengst öðrum nærliggjandi íbúðarsvæðum og kerfi opinna svæða allt í kring. Grænar götur og breiðstræti með góðri aðstöðu fyrir virka ferðamáta hvetja starfsfólk til að ganga til vinnu og nota grænu reitina til hvíldar og afþreyingar.

Grænt belti býr til aðlaðandi ramma umhverfis svæðið. Ef grænir geirar eru dregnir inn á sjálft iðnaðarsvæðið út frá beltinu, með góðri lýsingu, vistlegu umhverfi og trjám, verða göturnar öruggari og þægilegri fyrir gangandi vegfarendur. Skógi vaxin almenningsrými sunnan við svæðið geta mildað áhrif af ýmsu svo sem umferð, iðnaði og veðri. 
Verði enn meiri þörf fyrir svæði undir iðnað eða íbúðir þar má draga úr umfangi þessara almenningsrýma eftir þörfum.

Aukinn gróður innan svæðisins bætir upplifun starfsfólks og myndi þjóna vistkerfinu á ýmsan hátt, t.d. með hreinsun ofanvatns og auknu skjóli. Frárennslisvatni væri hægt að blanda við hreint vatn og ofanvatn og veita til gróðurhúsa til að nýta umframhita og gufu og hjálpa til við að loka iðnaðar- og orkuhringnum.

Endanleg uppbygging samkvæmt skipulagi fyrir árið 2050+ gengur út frá að allar eftirfarandi aðgerðir hafi verið útfærðar:
<ul><li>Gatnakerfið byggir á fyrirliggjandi götum, en götusnið og gatnamót hafa verið endurbætt til að mæta mikilli umferð vöruflutningabifreiða</li><li>Strætisvagnaleið að Garði liggur um Hringbraut inn á mitt Helguvíkur-Bergvíkursvæðið og nærri Helguvíkurhöfn (þetta skipulag er valkostur við almenningssamgöngur samkvæmt DRT (demand responsive transit) hugmyndafræðinni)</li><li>Akreinar eða stígar fyrir virka ferðamáta eru í eða meðfram öllum helstu götum sem tengja svæðið við Reykjanesbæ, Suðurnesjabæ, Demantssvæðið og Keflavíkurflugvöll</li></ul>

Kjarninn í skipulagi svæðisins er að búa til vistvænan iðngarð með öflugri hringrás hratefna og afurða. Svæðið býður upp á einstaka möguleika til að skipuleggja hringrásarhagkerfi þar sem ein framleiðsla nýtir aukaafurðir og úrgang frá annarri sem efnivið og hráefni. 
Vist-iðngarðurinn mun stuðla að bættri nýtingu auðlinda, hreinni framleiðslu, samlífi ólíkra iðngeira, kolefnisföngun og -geymslu.

Meðhöndlun persónuupplýsinga

K64 er heildstæð efnahags- og skipulagsleg þróunaráætlun fyrir svæðið í kringum Keflavíkurflugvöll, mikilvægustu gátt Íslands við umheiminn. Í þróunaráætlun K64 nefnist svæðið Keflavíkurflugvallarsvæðið eða Keflavik Airport area. K64 rammar inn markmiðadrifna þróun á þessu lykilsvæði sem var unnin í nánu samráði við nærliggjandi sveitarfélög og yfirvöld flugmála á Íslandi. Grunn tilgangur K64 er að nýta betur þá miklu möguleika sem felast í nándinni við alþjóðaflugvöll sem getur verið efnahagslegur drifkraftur og einng að samræma áætlanir margra aðila með ólík markmið til að ná að skapa sterka heild með sjálfbæra þróun að leiðarljósi.

Áherslusvæði

Vist-iðngarður

Hugmyndafræðin

Skipulagsrammi og aðgerðir

Landslagsmótun

Aðgengi

Vist-iðngarður með hringrásarhagkerfi

Áherslu­svæði

Vist-iðngarður

Hugmyndafræðin

Skipulagsrammi og aðgerðir

Landslagsmótun

Aðgengi

Vist-iðngarður með hringrásarhagkerfi

Áherslusvæði